Gjykata Kushtetuese zhvilloi seancën për shfuqizimin e ligjit të miratuar nga Kuvendi i Shqipërisë në muajin korrik për studentët e Mjekësisë pa marrë një vendim përfundimatar.

Kjo gjykatë dëgjoi palët në lidhje me pretendimet e tyre . ndërsa rrëzoi kërkesën e Kuvendit për heqjen e masës pezulluese.

Studentët kërkuan shfuqizimin si antikushtetues të disa pikave të nenit 4 dhe një pjesë të nenit .Ligji në fjalë parashikon tarifa më të larta universitare për studentët e Mjekësisë që nuk pranojnë që pas përfundimit të studimeve të punojnë për një periudhë të paktën 5-vjeçare në sistemin shëndetësor të vendit tonë.

Në një lidhje direkte me Top Story, gazetarja Anila Hoxha tha se gjasat janë që prokurorët të vendosin arrest shtëpiak për ish-kryeministrin Sali Berisha.

“Nga hyrja kryesore prej nga kalojnë pragun e godinës së posaçme të gjithë gjyqtarët dhe prokurorët antikorrupsion, ku do duhet edhe ditën e nesërme të kalojnë sërish këtë prag edhe dy prokurorët e të dosjes ‘Partizani’, të cilët gjatë ditës së sotme nuk morën asnjë vendim pasi morën në dispozicion autorizimin ndaj ish kryeministrit Berisha.

Atyre iu është nevojitur më shumë kohë dhe e kanë çmuar së bashku që këtë kërkesë ta dorëzojnë ditën e premte. Ata po përgatiten ende ndërsa në godinë nuk ka asnjë prokuror ndërkohë bëhet me dije se janë afër mbarimit të arsyetimit ku ata bazohen që nuk është vendosur ende nëse do të jetë arrest me burg apo arrest shtëpiak.

Arben Kraja la të kuptohej se mund t’i drejtohen gjykatës duke e lënë në çmim të gjyqtares e cila do duhet të vendosë një masë sigurie. Ato do detyrohen të japin në seancë një vendim nëse do jenë arrest shtëpie apo në burg. Sidoqoftë, më afër mundësisë ata mund të kërkojnë masën e arrestit shtëpiak. Prokurorët janë të lirë të kërkojnë masën e sigurisë. Pritshmëritë janë që kjo çështje të shqyrtohet nga Irena Gjoka.”-tha Anila Hoxha gjatë lidhjes live në Top Story.

Gazetari investigativ Artan Hoxha deklaroi në emisionin “Të Paekspozuarit” se çfarë mase sigurie do të marrë SPAK ndaj Berishës, pas lejes së Kuvendit të Shqipërisë për ashpërsimin e masës. Sipas Hoxhës, SPAK-un e çoi te kjo masë fakti që Berisha për 3 të hëna rresht e refuzoi dhe SPAK-u do të shkojë në masën e arrestit shtëpiak.

Pjesë nga biseda

Artan Hoxha: Që nga vendimi ku është votuar për të lejuar drejtësinë që të marrë një masë më të rëndë sigurie për z. Berisha, i ngelet në dorë drejtësisë që të certifikojë nëse do të kërkojë një masë tjetër, që sigurisht do ta kërkojë, dhe SPAK-un e çoi te kjo masë fakti që Berisha për 3 të hëna rresht e refuzoi, ndryshe nuk do të vinte në këtë situatë. Berisha erdhi vetë në këtë situatë. SPAK-u do të shkojë në masën e arrestit shtëpiak. Pse? Sepse ka një moshë që nuk e favorizon, vepra penale ngaj tij nuk ka peshën e veprave më të rënda si vrasjet që e bëjnë të detyrueshëm arrestin me burg. Por nga ana tjetër do të jetë problem se ku do ta vuajë Berisha masën e sigurisë, në banesën e vet, në një banesë tjetër, te Gjiri i Lalzit.

Ylli Rakipi: Nuk ndodh, nuk e bën se është në shtëpi.

Artan Hoxha: Masa e sigurisë në këtë rast do të shoqërohet, e përcakton gjykata, me monitorim. Do të bëhet me shërbim 24 orësh, patrullë policie që rri 24 orë te dera? Ne kemi patur raste kur edhe pse ka qenë 24 orë me policë, njerëzit janë vrarë në arrest shtëpiak. Kemi masa të arrestit shtëpiak që e mbulon vetëm inspektori i zonës, që kalon një herë në 3 ditë nëse është aty apo jo. Ka edhe një masë sigurie tjetër kur vendoset një aparat, një GPS, në një nga gjymtyrët dhe s’ka nevojë t’i vësh policë nga mbrapa. Tani jemi para faktit: Berisha do ta respektojë këtë masë? Si do të komunikojë ai me zgjedhësit dhe mbështetësit e tij?