Si e mbronte Rama Kajmakun para shkarkimit sot si kryebashkiak për lidhjet me krimin

0

Edi Rama iu rikthye sot tërthorazi fabulës së zhgënjimit që pëson me kandidatët që e gënjejnë kur i cakton për funksione publike.

Kryeministri reagoi sot pas shkarkimit të kryebashkiakut Agim Kajmaku nga KQZ-ja, duke lavdëruar institucionin se dënoi dikë që shkeli ‘besimin’ e tij.

Loading...

Ai e lëshoi sot Kajmakun, të dytin kryebashkiak që ka manipuluar formularin e dekriminalizimit zgjedhjet e fundit pas Valdrin Pjetrit të Shkodrës, por as 1 muaj më parë e mbronte me zjarr në studiot televizive

Komisioni Qendror i Zgjedhjeve ka vendosur me pesë vota pro për shkarkimin e kryebashkiakut të Vorës, Agim Kajmaku. Vendimi ka ardhur pas kërkesës së prokurorisë e cila konfirmoi se ai ishte ndaluar në Greqi në vitin 2003 për falsifikim dokumentesh. Në atë kohë ai përdorte emrin Jorgo Toto.

Denoncimi u bë nga Partia Demokratike dhe u mohua deri në kërkesën e prokurorisë edhe nga Kajmaku, edhe nga Rama.

Identiteti i dytë i Agim Kajmakut 

Tashmë është provuar se shtetasi Agim Kajmaku dhe shtetasi Jorgo Toto janë i njëjti person. Ky fakt konfirmohet nga të dhënat e sistemit TIMS, konfirmohet edhe nga gjurmët e gishtërinjve të Agim Kajmakut dhe Jorgo Totos. Pra rezulton se ai nuk ka deklaruar në formularin e dekriminalizimit faktin që ai është arrestuar në flagrancë në 14.1.2003 në Greqi për qarkullim të monedhave të falsifikuara.

Kajmaku ka thënë se ai është shpallur nga Gjykata e Janinës si i pafajshëm më 12 shtator të këtij viti. Dke qenë subjekt i Ligjit të Dekriminalizimit, Kajmaku nuk mund të ushtrojë funksione publike.

Tjetër ‘rastësi’, i njëjti Ramë 

Pasi kryebashkiakut të zgjedhur të Shkodrës, Valdrin Pjetrit iu vërtetua se ishte arrestuar, dënuar e dëbuar në Itali në vitin 2003, Edi Rama nuk do të gjente dot një alibi të fortë për përzgjedhjen e tij për kandidaturën e kryebashkiakut të Shkodrës. Zgjedhja e fjalëve ishte e njëjtë me ato për Kajmakun sot. Pjetri kishte lënë në baltë zgjedhësit dhe partinë që e besoi.

“Një kandidat që gënjen në mirëbesim dhe në formularin e vetëdeklarimit s’mund të lerë në baltë zgjedhësit dhe partinë që e ka besuar. Ai duhet të përjashtohet nga gara pa mundur të regjistrohet në zgjedhje dhe ta marrë të plotë gjithë përgjegjësinë e vetëdeklarimit të rremë.” – do të shkruante mes të tjerash Edi Rama në rrjetet sociale më 16 gusht.

Por, siç e thoshte edhe vetë Rama më parë, vendosja e Pjetrit kryebashkiak në Shkodër ishte gjëja e duhur.

Ndryshe nga Kajmaku, Pjetri dha vetë dorëheqjen duke luajtur rolin e viktimës

Rrëzimi nga postet i njerëzve të Ramës për shkak të lidhjeve me krimin është një film i stër-parë. Nuk duhet të harrojmë mbrojtjet tërë pasion që Rama i bënte Saimir Tahirit, Elvis Rroshit e Vangjush Dakos. Alibitë e kryeministrit kanë rënë në çdo rast dhe as ky i sotmi nuk bën përjashtim. Agim Kajmaku ishte një tjetër provë e dëshmi e fortë se PS është kriminalizuar, dhe në vend ti skarcojë kontigjentët e krimit, i përqafon, katapulton, e më pas përbaltet duke gënjyer për to.

 

Loading...

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.