Balla në zonat e prekura nga tërmeti në Kamëz: Vijon inspektimi i banesave të dëmtuara. E rëndësishme të rifillojë jeta normale

0

Kreu i Grupit Parlamentar të Partisë Socialiste Taulant Balla ka qenë sot në Kamëz, ku bashkë me kryetarin e Bashkisë Rakip Suli dhe deputetë të tjerë kanë parë nga afër gjendjen e banesave të brekura nga tërmeti. Balla deklaron se po vijon inspektimi i banesave të dëmtuara nga tërmeti i 26 nëntorit, ndërkohë që brenda javës fillon ndërtimi i 24 banesave të reja për familjet e dëmtuara nga tërmeti i 21 shtatorit.

“Vijon inspektimi i banesave të dëmtuara nga tërmeti i 26 Nëntorit edhe në Bashkinë Kamëz. Bashkë me Kryetarin e Bashkisë Rakip Suli dhe deputetë ishim në disa zona të prekura. Ndërkohë fillon brenda javës ndërtimi i 24 banesave të reja për familjet e dëmtuara nga tërmeti i 21 Shtatorit. Ti Nuk Do Jesh Kurrë Vetëm 👐🏻🇦🇱#ShqipëriSolidare🤝”, shkruan Balla.

Loading...

foto galeri

foto galeri

foto galeri

foto galeri

foto galeri

foto galeri

Ndërkohë që kreu i Bashkisë së Kamzës ka treguar masat e marra nga bashkia menjëherë pas tërmetit që me evidentimin e problematikave, sigurimin e ushqimit, veshjeve e gjithçka të nevojshme për banorët e prekur nga tërmeti.

Balla deklaroi se është shumë e rëndësishme që familjet e prekura nga tërmeti t’i kthehen normalitetit dhe bashkia duhet t’u qëndrojë afër. Sa i përket familjeve që janë në çadra, Balla ka porositur kreun e Bashkisë Kamës se brenda javës duhet të vendosen në banesa me qira.

“Duhet të nxisim të gjithë të kthehemi në normalitet aty ku dëmet e banesave nuk janë të tilla që kanë bërë të pabanueshme banesat, pra nuk kanë prekur struktrurën dhe për asnjë moment nuk vihet në rrezik jeta e qytetarëve. Ju do të vijoni procesin e vlerësimit të të gjitha dëmeve. U informuar që janë dy kopshte të cilat janë në situatë të vështirë dhe që duhet urgjentisht të gjeni dy ambiente të tjera me qira që procesi i edukimit të fëmijëve të mos ndërpritet për asnjë moment por të vijojë normalisht. Pjesa e furnizimit me ndihma ushqimore dhe gjithçka tjetër në koordinim me shtabin qendror të qeverisë duhet të vijojë për të garantuar që familjet e prekura nga situata e tërmetit dhe dëmtimi i banesave të mos iu mungojë asgjë.
E rëndësishme është që nuk ka më hapësirë për panik. Është shumë e rëndësishme që jeta normale të rifillojë. Për familjet në kushte të vështira të vijojë kujdesi nga ana e bashkisë. Familjet që janë në çadër përkohësisht brenda javës duhet të bisedohet për t’i sistemuar me qira në ambiente. Këshilli Bashkiak edhe pse e dimë që ke trashëguar një bashki të varfër ose më mirë të falimentuar për shkak të borxheve të mëdha duhet që brenda atyre mundësi, edhe me mbështetjen e biznesit dhe të vetë familjeve që ofrohen t’u gjejmë për t’i sistemuar përkohësisht në banesa me qira”, ishte porosia e Ballës.

 

Loading...

PËRGJIGJU

Please enter your comment!
Please enter your name here

This site uses Akismet to reduce spam. Learn how your comment data is processed.