Një 48 vjeçar me origjinë shqiptare ka gjetur vdekjen mbrëmjen e shkuar në rrugën Larissa-Karditsa.
Mediat greke bëjnë me dije se ishte një shofer ai që lajmëroi policinë për praninë e një personi të shtrirë në rrugë. Forcat e rendit mbërritën në vendngjarje duke konstatuar që shqiptari kishte ndërruar jetë.
Dyshohet se ishte një veturë ajo që shkaktoi përplasjen fatale të shqiptarit, i cili në momentin e ngjarjes ishte kalimtar në rrugë.
Pas aksidenti, shoferi i mjetit u largua me shpejtësi nga vendi i ngjarjes duke e braktisur në rrugë.
Policia është duke hetuar rastin për të zbuluar shoferin e panjohur që tërhoqi zvarrë në rrugë shqiptarin dhe e la të plagosur rëndë, duke gjetur vdekjen më pas.
