Gjyqtarja e arrestuar sot Mimoza Margjeka, njihet si gjyqtarja që nuk njohu zgjedhjet e 30 qershorit 2019.
Ajo refuzoi mandatin kryebashkiakes së PS Valbona Sako, që garoi vetëm dhe në një proces zgjedhor për zgjedhjet e bashkisë.
Pas vendimit për zgjedhjet, Margjeka u dërgua nga Gjykata e Durrësit në atë të Korçës. Ndërsa bashkëshorti i saj Arben Cara njihet dhe si militant i PD.
Sot, Margjeka ishte në mesin e 5 personave të arrestuar, ku 3 janë në burg dhe dy në arrest shtëpie për korrupsion aktiv të gjyqtarit dhe funksionarëve të drejtësisë
Sipas SPAK, gjyqtarja e Apelit Korçë, Mimoza Margjeka ka marrë 6 mijë euro ryshfet për të ndryshuar një masë sigurie nga “arrest në burg” në “garanci pasurore”, ndaj shtetasit Orion Bali. Ky i fundit ishte arrestuar me akuzën për kalim të paligjshme të emigrantëve. në kufi.
Ka qenë bashkëshorti i gjyqtares, Arben Cara i cili ka marrë ryshfetin prej 6 mijë euro për të ndërhyrë tek e shoqja Mimoza Margjeka për të ndryshuar një masë sigurie të një të dënuari.
