Analiza finale e fazës së tretë të testimeve të vaksinës së kompanive Pfizer dhe Biontech tregon se ajo është 95 përqind efektive në parandalimin e infeksioneve të koronavirusit, madje edhe te të moshuarit.
Të mërkurën, kompania bëri me dije se aksina nuk shkakton efekte anësore serioze, duke e bërë atë të sigurt për përdorim.
Fillimisht ishte thënë se vaksina ka një efikasitet në masën 90 përqind, një pretendim që habiti zyrtarët e shëndetësisë dhe ekspertët.
Ndërkohë më vonë, kompania Moderna deklaroi se vaksina e saj është afro 95 përqind e sigurt. Të dy vaksinat përdorin të njëjtën qasje për të luftuar virusin.
Pfizer thotë se do të kërkojë miratimin e autoriteteve amerikane për vaksinën brenda ditësh.
Kompania pretendon se do të prodhojë 1.3 miliardë doza vaksine në vitin 2021. Fillimisht ata do e nisin me 50 mln doza këtë vit.
