Zbulohen detaje të reja nga vrasja që tronditi Rrëshenin, që dyshohet se ka lidhje me historinë e hakmarrjes mes fiseve Gjini dhe Reçi.
Mësohet se viktima Anton Keli sapo ka hapur derën e automjetit të tij është qëlluar me armë zjarri ku ka mbetur i plagosur. Me plumba në trup ai është drejtuar për në marketin e lagjes ku ka treguar që e kanë plagosur ,por me të njoftuar dhe mbërritur ambulanca ai ka ndërruar jetë.
Ngjarja ka ndodhur në afërsi të banesës së tij. Anton Keli është i afërm i Preng Gjinit që iu vendos një sasi eksplozivi në Tiranë pak muaj më parë dhe Armando Gjinit që u ekzekutua rreth një vit e pak muaj më parë në afërsi të Katedrales së Rrëshenit.
