Një 21-vjeçar ndërroi jetë dje në rrethana ende të paqarta në spitalin e Durrësit. Viktima është Renato Nebiu nga Peqini. Në gjendje të rëndë, ai u dërgua fillimisht në spitalin e Rrogozhinës për ndihmë më pas në Durrës, por ndërroi jetë.
Raportohet se ai ishte infektuar me koronavirus. Por i riu vuante edhe nga zemra dhe kurohej me ilaçe. Dyshimet e para janë se i riu mund t’i ketë dhënë fund jetës si pasojë e gjendjes së rënduar psikologjike, pasi u hodh nga lartësia. Trupi i të riut ndodhet në morg, ndërsa pritet ekspertiza mjeko-ligjore.
