Një 30-vjeçar shqiptar është arrestuar nga policia greke, pasi akuzohet se ka përdhunuar një të mitur 15 vjeçe me probleme mendore.
Sipas mediave greke, ngjarja ka ndodhur në qytetin e Volosit mbrëmjen e të martës.
Po sipas mediave, shqiptari dhe e mitura janë njohur në rrjetet sociale dhe më pas janë takuar.
Vajza dhe prindërit e saj u ankuan në Polici se autori i krimit përfitoi nga paaftësia e pjesshme mendore e vajzës duke abuzuar seksualisht me të.
Vajza u ka treguar prindërve se çfarë i kishte ndodhur, të cilët e denoncuan të riun shqiptar në polici dhe më pas ai u arrestua.
Por, në dëshminë e tij shqiptari ka deklaruar se nuk kishte dijeni për problemet mendore që vajza kishte. Sipas 30-vjeçarit, ata vetëm ishin puthur.
Sipas ligjeve në Greqi, nese vertetohet akuza e perdhunimit, i riu shqiptar rrezikon deri në 10 vite burg.
