Dorina Dardeshi nga fshati Begjunec i Peshkopisë është nënë e 6 fëmijëve. Pas 3 vajzave priste të bënte një djalë, por Zoti e bekoi me 3 fëmijë të tjerë.
Tre fëmijët e saj më të vegjël janë trinjakët Enver, Enrik dhe vajza Ersa. Dorina u bë nënë për herë të gjashtë ne 20 janar dhe sot ka rrëfyer në “Shqipëria Live” sfidën e madhe të prindërimit, sfidë që bëhet më e vështirë kur lind trinjakë.
“Të lindësh trinjakë është një mrekulli, falenderoj Zotin. Por sfida më e madhe e prindërit bëhet më e vështirë kur lind trinjakë.
Deri tani nuk kam marrë asnjë ndihmë, vetëm bonusin. Nuk kam kërkuar punë, merrem vetëm me fëmijët. Nuk ka punë ke ne. Burrit nuk i ka ofruar njeri punë”, tha Dorina.
