Një person nga Kavaja i cili rezultonte i zhdukur prej tre ditësh është gjetur i vdekur. Policia njofton se trupi i pajetë i një 62-vjeçari është gjetur ditën e sotme në Spille, në breg të detit.
“Më datë 08.02.2021, rreth orës 14:00, në Spille, Kavajë, është gjetur në breg të detit, pa shenja jete, shtetasi A. S., 62 vjeç, i cili ishte larguar nga banesa më datë 05.02.2021.Grupi hetimor dhe shërbimet e Policisë ndodhen në vendngjarje dhe vijojnë puna për zbardhjen e rrethanave të ngjarjes.”, njofton policia.
Nga këqyrja paraprake nuk janë konstatuar shenja dhune, paraprakisht dyshohet se ky shtetas është mbytur aksidentalisht.
