Kryetari i PD-së, Lulzim Basha, është ndalur sërish tek një nga “dështimet” e Kryeministrit Edi Rama, 20 ditë para zgjedhjeve të 25 prillit. Përmes një postimi në rrjetet sociale, lideri demokrat thekson se Rama ka abuzuar me koncesionet në shëndetësi.
Pyetja e kreut të opozitës: Sa do t’u kushtojnë shqiptarëve gabimet në llogaritje të koncesioneve në shendetësi.
Pergjigje: 90 milionë euro më shumë. PPP-të po thithin fondet për shëndetësinë, duke lënë spitalet pa investime dhe mjekët pa rritje pagash. Ky problem i madh është një dështim tjetër i Ramës që kreu demokrat i ka bashkuar në 100 dështimet e rilindjes.
