Kandidatja e PD për deputete në Tiranë Lediana Fratari ka zhvilluar takime me banorët e lagjes së saj në Tiranë, teksa thotë se ka gjetur në çdo dyqan e biznes pritjen e ngrohtë dhe shpresën për ndryshim. Ajo thekson se të gjithë bashkë do sjellim ndryshimin sepse të gjithë meritojnë një Shqipëri më të mirë.
“Në lagjen ku jam rritur, ku të gjithë presin ndryshimin
Të ecësh dhe të takosh njerëz në lagjen ku je rritur është gjithmonë një kënaqësi e shumëfishtë. Nostalgji, mall dhe dashuri. Edhe pse nuk i njihja personalisht, u ndjeva njeri i afërt me të gjithë. Në çdo dyqan dhe biznes ku ndalova, gjeta pritjen e ngrohtë dhe shpresën e njerëzve për ndryshim në datën 25 prill.
Të rinj e të reja, gra dhe burra, sipërmarrës dhe intelektualë, të gjithë bashkë ne do ta sjellim ndryshim. Sepse të gjithë ne meritojmë një Shqipëri më të mirë dhe një qeverisje më të drejtë. Votoni nr. 9, PD dhe nr. 34, Lediana Fratari”.
