Një aksident ka ndodhur sot pasdite në aksin Pogradec-Lin, në vendin e quajtur ndryshe “Guri i Kuq”.
45-vjeçari me inicialet F.C., duke drejtuar automjetin tip “Hyundai”, ka aksidentuar të miturin J. H., 11 vjeç.
Ndërkohë nga spitali Pogradec konfirmohet për gazetën “Panorama” se fëmija ka qenë në gjendje shumë të rëndë dhe i intubuar është nisur drejt Tiranës. Ndërkaq policia ka shoqëruar drejtuesin e mjetit.
Njoftimi i Policisë
Mbrëmjen e sotme, në aksin rrugor Pogradec-Lin, pranë vendit të quajtur “Guri i Kuq”, shtetasi F. C., 45 vjeç, duke drejtuar automjetin tip “Hyundai”, ka aksidentuar këmbësorin J. H., 11 vjeç, banues në fshatin Memëlisht, Pogradec, i cili ndodhet në Spital nën kujdesin e mjekëve.
Drejtuesi i mjetit ndodhet i shoqëruar për veprime të mëtejshme procedurale.
Grupi hetimor po punon për zbardhjen e rrethanave të aksidentit.
