Një ngjarje e rëndë ka ndodhur ditën e sotme në qytetin e Durrësit pasi një 20-vjeçar ka humbur jetën tragjikisht. Ngjarja ka ndodhur në lagjen numër 14/1 në Kënetë.
20-vjeçari R.T ka humbur jetën pasi shpërtheu goma e kamionit në një servis ku punonte.
20-vjeçari në foto është i riu që humbi jetën sot teksa rroga e një kamioni i shpërtheu në duar, teksa punonte në gomisteri. Rafael Talaj humbi jetën në vendin e tij të punës pas një incidenti që ndodhi gjatë momentit kur frynte gomën.
Ngjarja e rëndë ndodhi rreth orës 08:50, në lagjen nr.14/1 në Kënetë të Durrësit. Sipas dëshmitarëve shpërthimi i gomës ishte shumë i fuqishëm, ndërsa shtuan se ndihma e shpejtë të riut iu dha shumë vonë, duke bërë që ai të ndërronte jetë
Mësohet se i riu kishte kohë që punonte dhe siguronte të ardhurat për familjen e tij, ndërsa fati i tij u pre në mes pas incidentit që i mori jetën.
