Federata Shqiptare e Futbollit por dhe tifozët shpresuan deri në fund që në shtator do të riktheheshin në stadium me kapacitet të plotë. FSHF iu drejtua pak kohë më parë me një letër, një kërkesë MSH, ku i kërkonte që stadiumet të ishin me kapacitet të plotë për dy ndeshjet që ekipi kombëtare do të zhvillonte kundër Hungarisë dhe San Marino, të vlefshme për kualifikueset e Botërorit “Katar2022”, përkatësisht me 5 dhe 8 shtatorë. FSHF shtoi që në stadium të ishin vetëm tifozë të vaksinuar, një lëvizje kjo që mund të ndihmonte edhe në fushatën e vaksinimit.
Asnjë nga këto kërkesa nuk u morë në konsideratë teksa Komiteti Teknik i Ekspertëve në daljen e tyre të fundit për mediat, duke folur mbi situatën e COVID-19 në vendin tonë, saktësuan se masat nuk do të ndryshojnë, do të lejohen aktivitet sportive por vetëm me 30% të kapacitetit të stadiumeve
Në këtë mënyrë, në “Elbasan Arena”, do të jenë të pranishëm vetëm një numër i reduktuar tifozësh, vendim ky që nuk pritet të ndryshojë në një të ardhme të afërt as për fillimin e sezonit të ri në Superligë më 11 shtator.
