Një ngjarje e rëndë tronditi Tiranën ditën e djeshme ku dy të rinjtë Klinton Pira 26-vjeç dhe Jawsackie Jaboah 31-vjeçe humbën jetën pas një konflikti mes tyre.
Dy të rinjtë që kishin marrë me qira në një apartament në rrugën “Pjetër Budi” nisën të konfliktoheshin për motive xhelozie dhe në një moment 26-vjeçari Pira ka goditur disa herë me thikë të dashurën e tij dhe më pas është hedhur nga kati i tetë
Një banor i zonës ka treguar se e gjithë ngjarja e rëndë është parë nga dy fëmijë të mitur, të cilët ishin duke luajtur poshtë pallatit.
“Kam 65 vite që jetoj në lagje, nipi ka qenë duke luajtur me top në hyrjen e pallatit, ata janë tmerruar kur kanë parë dy kufoma, ka dalë vajza që ka marrë dy fëmijët, dhe i ka thënë që janë kukulla dhe jo njerëz. Kur erdhi brenda më tha që i dhimbte gjoksi.
Unë isha brenda në banesë, kur erdhi vajza më tha se çfarë kishte ndodhur,” tregoi ai.
