Një shqiptar është ekzekutuar me dy plumba mbrëmjen e sotme në qendër të Athinës. Ngjarja sipas mediave greke ka ndodhur në qendër të kryeqytetit, në zonën e Agios Panteleimon në Agios Pavlos në rrugën Kritis.
Shqiptari ishte në kafe në momentin që është qëlluar me dy plumba në kokë dhe bark në një atentat mafioz. Pavarësisht se u transportua në spital me shpejtësi, shqiptari ndërroi jetë.
Dyshohet se në atentat është përfshirë më shumë se një person.
Shqiptarit i kishin ngritur një pritë dhe sapo e kanë pikasur, ai është qëlluar me armë zjarri.
Autori është larguar në drejtim të paditur.
Nuk dihen ende motivet e ngjarjes së rëndë dhe identiteti i shtetasit shqiptar.
