Tofik Xhika mungoi në tryezën e darkës së ndërrimit të viteeve në familjen e tij.
Prej tetë ditësh po vijojnë kërkimet për gjetjen e trupit të 43-vjeçarit i cili dyshohet të jetë mbytur në ujërat e lumit Drin.
Xhika kishte shkuar për të peshkuar por nuk u kthye më në shtëpi.
Familjarët, banorët e zonës dhe forcat e policisë kanë kërkuar prej mëse një jave për të, por ende nuk ka asnjë rezultat.
Polumbarët e RENEAS u tërhoqen nga kërkimet për shkak të prurjeve të shumta të lumit Drin.
Mësohet se vetë familjarët e të zhdukurit kanë marrë privatisht dy polumbarë për të kryer kërkime.
Sot familjarët e Tofik Xhika kërkuan ndihmë nga shteti për të gjetur trupin e 43 vjeçarit.
