Kryetari i PD-së Lulzim Basha akuzon kryeministrin Edi Rama se po e mban vendin në vendnumëro. Basha ka reaguar me një postim në “Twitter” pas publikimit të raportit të “Transparency International” ku Shqipëria ka shënuar një pikë rënie në Indeksin e Korrupsionit.
Ai deklaron se lufta kundër korrupsionit është sot interesi ynë kombëtar, për të çliruar vendin dhe institucionet e tij nga të korruptuarit.
“Raporti i fundit i “Transparency International” konfirmon se armiku i mirëqenies së shqiptarëve është korrupsioni. Përhapja e tij në çdo nivel të qeverisë Rama po e mban Shqipërinë në vendnumëro. Lufta kundër korrupsionit është sot interesi ynë kombëtar, për të çliruar vendin dhe institucionet e tij nga të korruptuarit. Ndonëse një grusht i vogël njerëzish po mundohen ta mbajnë peng të ardhmen, ajo tashmë ju përket shqiptarëve!”, deklaron kreu i PD.
