Në “Drejt” nga Luan Rama në RTV Ora, ish drejtuesi i lartë i policisë, Shemsi Prençi u shpreh se testimi i drogës për policinë ka ndaluar pasi kanë dalë shumë përdorues.
Sipas tij, Testimin e ndërpreu politika dhe emërimet i bën politika dhe të ishte si Nano do të kishte dhënë dorëheqjen.
Prençi: Pse nuk vazhdon testimi për testin e drogës te policët? Nga 1 mijë polic të testuar, 150 dolën përdorues të lëndëve narkotike, ndaj është ndërprerë testimi.
Inkriminimi nis që në rekrutim. Drejtorit të ri, Nanos i kam thënë mundohu të mos merresh peng nga politika. Me testimin e drogës Nano pati mundësinë të tregonte lidership. Testimin e ndërpreu politika dhe emërimet i bën politika. Të isha si Nano do të kisha dhënë dorëheqjen.
