Një 42 vjeçare nga Kosova, nënë e tre fëmijëve ka humbur jetën në një aksident që ka ndodhur të dielën pranë Lenzburgut në Zvicër
Sipas albinfo.ch, shkaktar i aksidentit ka qenë një shtetas gjerman, drejtues i makinës Tesla, i cili papritur ka provuar të kthente makinën e tij. Duke tentuar të kthejë makinën, ai është përplasur me një makinë tip VW Polo që po vinte nga i njëjti drejtim.
Në makinë ndodhej një nënë 42 vjeçe, me vajzën e saj 19 dhe djalin e vogël, 6 vjeç, ku fatmirësisht të dy fëmijët i kanë mbijetuar aksidentit, por nëna e tyre ka ndërruar jetë, pak pasi u dërgua në spital.
Aksidenti ka tronditur rëndë fëmijët e viktimës ku djali i madh i saj, Eron Abduli, 23-vjeçar, tha në një intervistë se gjithçka është më pikëlluese pasi vëllai i tij i vogël, 6 vjeç, tani duhet të rritet pa nënën e tij.
