Sekretarja e Gjykatës së Lezhës Klaudia Marku e cila u denoncua e zhdukur nga burri i saj është gjetur. Abc mëson se ajo është gjetur në Lezhë. 34 vjeçarja është shoqëruar në ambientet e Komisariatit të Policisë Lezhë ku po jep sqarime mbi rrethanat dhe motivet e largimit nga banesa.
“Në vijim të informacionit për kallëzimin e bërë nga shtetasi O. M., 38 vjeç, banues në Lezhë, për largimin e bashkëshortes së tij nga banesa, sqarojmë se: Shtetasja K. M., 34 vjeçe, rreth orës 15:30, është shoqëruar në ambientet e Komisariatit të Policisë Lezhë dhe aktualisht po jep sqarime mbi rrethanat dhe motivet e largimit nga banesa”, thotë policia.
Denoncimi në polici për zhdukjen e Markut u bë nga bashkëshorti i saj. Ky i fundit kishte bërë denoncim pasi nëna e fëmijëve të tij, Marku nuk ishte kthyer në shtëpi duke humbur çdo kontakt me të.
Fillimisht u dyshua se largimi i saj, kishte të bënte me konflikte familjare. Momentalisht ajo po merret në pyetje për të sqaruar rrethanat dhe arsyen e zhdukjes së saj.
