ksidenti tragjik i ndodhur në Levan-Tepelenë mbrëmjen e djeshme, i mori jetën Sokrat Lelaj dhe Fatbardha Lelaj. 54-vjeçari Lelaj i cili ishte punonjës i FNSH-së dhe në momentin që ndodhi aksidenti tragjik ai ishte duke udhëtuar me makinën e tij tip “Ford” bashkë me gruan dhe vjehrrën Bylyre Salaj.
Sokrat Lelaj dhe vjehrra e tij kanë humbur jetën direkt në vendngjarje ndërsa bashkëshortja e tij ka mbërritur në gjendje kome në spital. Pa kaluar 60 minuta, Fatbardha Lelaj ka humbur jetën duke e çuar në 3 numrin e viktimave nga ky aksident tragjik.
Ditën e sotme policia ka arrestuar shtetasin M.Skënderaj pasi ishte ai që drejtonte mjetin “Opel Zafira” i cili u përplas me makinën e 54-vjeçarit Lelaj. Ka qenë Skënderaj ai që ka bërë një parakalim të gabuar dhe shkaktoi aksidentin tragjik me 3 viktima. Nga ky aksident tragjik kanë mbetur të plagosur rëndë vetë M.Skënderaj, bashkëshortja e tij Gladiola Meraj dhe vajza e tyre 6-vjeçare.
