Nga Zef Ndreka
Edhe një herë për primaret e manipuluara…
Edhe një herë për primaret e manipuluara…
Për të lënë “trashëgimi” në partinë përsonale e familjare të Berishës , si risi , ky i fundit “shpiku” primaret për të përçarë edhe më tej mbështetësit e tij në foltore .
Donte ti mbyllte në raundin e parë të dt 4- dhjetor të gjitha primaret , sepse Berisha nuk ka më kohë . Për këtë , pasi i përzgjodhi emër për emër “fituesit” kandidatë të foltorës , “specialistët” e tij , përgatitën më parë gjithçka sipas skenarit dhe votuesit e mashtruar veçse votuan kot , sipas skemës së Stalinit : nuk ka rëndësi kush voton , por kush i numëron !
Kjo ka ndodhur në të gjitha degët e foltores ku u zhvillua gara për primare brënda llojit .
Ka ndodhur në Lezhë , në Mirdite , në Kurbin , në Tiranë , në Kamëz , kudo ku kishte kontestime .
Për t’i hedhur hi syve të vëzhguesve , u shpik një tjeter marifet .
Po tregoj për konkretizim rastin që ndodhi në Mirditë .
Me dt 4-dhjetor , kandiduan 6 përsona . Ndër to , ishin kryetari dhe sekretari i degës së foltorës si dhe katër kandidatë të tjerë që dolën më se të zhgënjyer për numrin e votave që morën .
Me datën 4 dhjetor , nga lista e tej fryrë me 1900 anëtarë të pa njohur , ndërmjet tyre edhe socialistë e të vdekur , votuan rreth 600 përsona dhe dolën në balotazh kryetari Melyshi dhe sekretari Lala me diferencë rreth 90 vota . Të tjerët morën vota të pa përfillshme !
Raundi i dytë , ishte më “i lehtë” , pasi ishin vetëm dy konkurrent !
Si për çudi , u shtua numri i votuesve dhe kapi shifrën rreth 1000 përsona , dhe rezultati , nxorri një diferencë në votimin përfundimtare rreth 225 vota më shumë në favor të Melyshit .
Por çfarë ndodhi në këto votime ?!
Si mund të rritej numri i votuesve në këtë mënyrë ?!
Po e analizojmë :
Sipas proçes-verbalit dhe orarëve të dinamikës së votimit , deri në orën 17.00 kishin votuar rreth 500 votues .
Pastaj , për kohën e mbetur deri në 18.00 numri i votuesve rezultoi gati i dyfishuar !
Por një gjë , tjetër shumë e rëndësishme të bie në sy . Për 10 orë gjithsejt në gjithë proçesin e votimit , në një qënder të vetme , paskan votuar aq përsona të pa njohur , duke thyer rekorde që i bie për më pak se një minutë kohë për të identifikuar votuesin , për ti shënuar numrin e kartës së identitetit , për të firmosur , për të marrë fletën e votimit pa vulë e pa numër serie , për të kaluar në dhomën e fshehtë e për të votuar .
Kjo tregon se ka patur manipulime të parapërgatitura që në Tiranë.
Shto pastaj , se ka dyshime serioze për mbi 300 firma të hedhura nga një dorë për përsona që nuk kanë marrë pjesë në votim .
Kanë mjaftuar numrat e kartave të identitetit të votuesve që i kishin më parë patronazhistët .
Kjo gjë , do të vërtetohet nga ekspertë kriminalistikë dhe nëse rezulton e vërtetë , bie i gjithë proçesi kriminal i primareve .
Në kutinë e votimit me dt 11-dhjetor janë gjetur vetëm votat reale të kandidatit Lala të votuara nga demokratët , por që rezultoi humbës !
Është fakt , se demokratët morën një goditje në këto primare dhe shpresojmë që “petat e lakrorit” të dalin sa më parë dhe minimumi të përsëritën zgjedhjet dhe manipuluesi të marrë atë që meriton me ligj , edhe pse është parti jo zyrtare !
Në vijim do të botojmë edhe fotot e proçesverbaleve dhe firmat e votuesve ose të një votuesi…
