Prej disa ditësh, banorët e BBVip kanë thyer rregullat duke diskutuar nominimet me njëri-tjetrin. Një zarf i zi u dha lajmin këtë të shtunë se ata si dënim do të përdorin gjatë ditës vetëm 20 minuta ujë, për tu larë vetë, enët, apo për të bërë punët e tjera.
“Sot do keni penalitet. Keni diskutuar nominimet në mënyrën më të hapur të mundshme, as me kode as me pëshpërima.
Jeni treguar paturpësisht moskokëcarës ndaj rregullores. Në sytë e publikut kjo ju bën fodullë dhe jo të respektueshëm.
Duke kujtuar që është thelbësore të mos diskutohen nominimet, kush do nominojë kë, vëllai i madh ka vendosur se nga nesër ju do keni ujë vetëm 20 minuta në ditë.
Do njoftoheni përmes gongut, kur do vijë e ikë uji. Në shtëpitë e shqiptarëve ka munguar me vite uji e nuk i ka gjetur gjë. Nuk duhet prekur uji i pishinës”, tha Arbana.
