Një 13-vjeçar ka ndërruar jetë në orët e para të mëngjesit të sotëm pasi ka rënë aksidentalisht nga ballkoni i pallatit ku ai jetonte.
Sipas policisë, i mituri vuante nga somnambulizmi, (të ecurit gjatë gjumit) dhe në momentin e rënies nga lartësia ka qenë i vetëm në shtëpi. Tashmë ka nisur puna për zbardhjen e plotë të rrethanave të kësaj ngjarje.
Njoftimi i policisë
Rreth orës 05:15 të mëngjesit të sotëm, në lagjen “Emin Matraxhiu”, Elbasan, ka rënë aksidentalisht nga ballkoni i pallatit, 13-vjeçari A.M, i cili ka ndërruar jetë.
Nga veprimet e para hetimore rezulton se 13 vjeçari kishte probleme me gjumin (vuante nga Somnambulizmi, të ecurit gjatë gjumit) dhe në momentin e rënies nga ballkoni 13 vjeçari ka qenë vetëm në banesë.
Grupi hetimor nën drejtimin e Prokurorisë vijon punën për zbardhjen e plotë të rrethanave të ngjarjes.
