KAS ka vendosur rrëzimin e kërkesës së koalicionit “Bashkë Fitojmë” për pasqyrimin e emrit të kryedemokratit Berisha si kryetar i komanduar i koalicionit “BF” në fletën e votimit.
Më herët, koalicioni “Bashkë Fitojmë” me përfaqësues Endrit Braimllarin ka njoftuar Komisionin Qëndror të Zgjedhjeve që kryetar i komanduar i këtij koalicioni është kryedemokrati Sali Berisha.
“Në emër të koalicionit “Bashkë Fitojmë” si dhe të partive përbërëse të tij, ju informoj për efekt të pasqyrimit korrekt të të dhënave të koalicionit në fletën e votimit, sipas parashikimive të nenit 98 të Kodit Zgjedhor se, se drejtues i komanduar është deputeti Sali Berisha”, thuhet në shkresën drejtuar KQZ-së.
Po ashtu, KAS ka vendosur pranimin e pjesshëm të kërkesës së Partisë Demokratike të Enkelejd Alibeajt për pasqyrimin e emrit të kryetarit të partisë udhëheqëse të koalicionit “Bashkë Fitojmë”, Ilir Metën në fletën e votimit.
