Pritet të rinisë në GJKKO seanca e mbrojtjes për ish-ministrin Lefter Koka pas afro 30 minutash pushim pas pjesës së parë. Seanca po monitorohet nga përfaqësues të ambasadës së SHBA-së. Për herë të parë në procesin e inceneratorit të Elbasanit ka qenë i pranishëm vetë Lefter Koka, vëllai i tij, Leonard Koka, por dhe deputeti Agron Duka si familjar i tij.
Gazetari Arsen Rusta deklaron se është proces që pritet të zgjasë përtej orës 16:00.
“Për herë të parë Koka ka hedhur versionin e tij sa i përket aferës së inceneratorit të Elbasanit.
Sipas Kokës nuk është vetëm Ministria e tij ajo që ka miratuar procedurën, por kanë dhënë pëlqim dhe mendim 4 ministri të tjera, ajo e Drejtësisë, Ekonomisë, Infrastrukturës dhe Mjedisit.
Sipas Kokës dita që është bërë negociata me kompaninë fituese nuk ka qenë brenda Shqipërisë dhe kjo është rrethanë lehtësuese për pafajësinë e tij.
