Pas zjarreve në Parkun Kombëtar të Lurës, një helikopter Cougar dhe disa efektivë të Forcave Ajrore, janë nisur menjëherë në vendngjarje.
Kjo lëvizje erdhi pas kërkesës së autoriteteve vendore të Dibrës për vënien në kontroll të flakëve në këtë zonë.
Lajmin e ka bërë të ditur Ministri i Mbrojtjes, Niko Peleshi, i cili përmes një postimi në Facebook shkruan se situata është serioze për shkak të terrenit të vështirë dhe erës e cila ka favorizuar përhapjen e flakëve.
Reagimi i Peleshit:
Efektivët e Forcës Ajrore dhe helikopteri Cougar janë nisur menjëherë për në Parkun Kombëtar të Lurës, pas kërkesës së autoriteteve vendore të Dibrës për vënien në kontroll të flakëve në këtë zonë. Situata është serioze për shkak të terrenit të vështirë dhe erës e cila ka favorizuar përhapjen e flakëve. Deri në këtë moment nuk ka rrezik për banesat, ndërkohë po punohet me intensitet për neutralizimin e plotë.
Gatishmëri maksimale për të mbrojtur një pasuri kombëtare si parku i Lurës!
