Kryeministri i Kosovës, Albin Kurti, kja marrë pjesë sot (16 tetor) në samitin e Procesit të Berlinit, që zhvillohet në Tiranë.
Në fjalën e tij para homologëve nga vendet e Bashkimit Evropian dhe Ballkani Perëndimorë, Kurti është ndalur ndër të tjera dhe në sulmin terrorit të 24 shtatorit në Veri të Kosovës, ku mbëti i vraë një nga efektivë e policisë.
“Ishte një akt i ligë i sponsorizuar nga Serbia”, u shpreh Kurti, ndërsa theksoi se “katër herë në dy vitet e fundit Serbia ka sjellë ushtrinë e saj në kufirin tonë”.
“Në një sulm terrorist kundër Kosovës më 24 shtator, një nga zyrtarët tanë policorë u vra, por autorët akoma enden të lirë në Serbi edhe pse publikisht e pranuan përfshirjen e tyre. Ky ishte një akt i ligë sponsorizuar nga Serbia, siç tregojnë provat e pakundërshtueshme. Ne kemi konfiskuar mbi 5 milionë euro armatim të sofistikuar dhe municione të prodhuara në Kragujevc dhe Çaçak. Katër herë në dy vitet e fundit Serbia ka sjellë ushtrinë e saj në kufirin tonë”, ka thënë Kurti.
Më tej Kryeministri ka shtuar se qytetarët në Ballkanin Perëndimor sot nuk duhet të jetojnë nën frikën e një konflikti nesër, por të punojnë për një të ardhme së bashku.
“Qytetarët në Ballkanin Perëndimor sot nuk duhet të jetojnë nën frikën e konfliktit nesër, por të punojnë për një të ardhme së bashku. Ne si udhëheqës të tyre kemi përgjegjësinë për të ndërtuar atë të ardhme të përbashkët. Dhe si udhëheqës ne duhet të përfshihemi në atë proces me mirëbesim”, ka deklaruar ai para homologëve ndërkombëtar.
Fjala e plotë e Kryeministrit të Republikës së Kosovës, Albin Kurti, në seancën e parë të Samitit të Procesit të Berlinit në Tiranë, me temë “Integrimi i Rajonit në tregun e vetëm dhe përmirësimi i konvergjencës me BE-në”:
I nderuar Kryeministër i Shqipërisë, Edi Rama,
I nderuari Kancelar Scholz,
E nderuara Presidente e Komisionit Europian, Ursula von der Leyen
I nderuar President i Këshillit Europian, Charles Michel
Kolegë Kryeministra dhe Presidentë,
Është me vend që Samiti i Procesit të Berlinit, i krijuar për të rritur bashkëpunimin dhe për të krijuar marrëdhënie të mira fqinjësore mes shteteve të Ballkanit Perëndimor, të mbahet në Tiranë. Falenderoj kryeministrin Rama dhe kancelarin Scholz për organizimin e kësaj.
Në një sulm terrorist kundër Kosovës më 24 shtator, një nga oficerët tanë të policisë u vra, por autorët ende enden të lirë në Serbi edhe pse publikisht e pranuan përfshirjen e tyre. Ky ishte një akt i urryer i sponsorizuar nga Serbia, siç tregojnë provat e pakundërshtueshme. Ne kemi konfiskuar mbi 5 milionë euro armatim dhe municione të sofistikuara të prodhuara në Kragujevc dhe Çaçak. Katër herë në dy vitet e fundit Serbia ka sjellë ushtrinë e saj në kufirin tonë. Edhe njëzet e pesë vjet pas fushatës gjenocidale, dhe pas kaq shumë raundeve të dialogut, Kosova ende kërcënohet me pushtim nga Serbia. Ky moment na kërkon të reflektojmë dhe të mos e vazhdojmë punën si zakonisht. Një veprim i tillë nuk duhet të mbetet pa u ndëshkuar.
Të dashur miq,
Qytetarët në Ballkanin Perëndimor sot nuk duhet të jetojnë nën frikën e konfliktit nesër, por të punojnë për një të ardhme së bashku. Ne si udhëheqës të tyre kemi përgjegjësinë për të ndërtuar atë të ardhme të përbashkët. Dhe si udhëheqës ne duhet të përfshihemi në atë proces me mirëbesim. Kërkohet një angazhim me mirëbesim për të garantuar efektivitetin afatgjatë të marrëveshjeve tona dhe respektimin e të gjitha palëve të investuara në proces.
Vitin e kaluar, ne nënshkruam tre marrëveshje mobiliteti, një hap i rëndësishëm drejt rezultateve të prekshme. Ndërsa unë e vlerësoj përparimin, mund të ishte më i shpejtë. Fatkeqësisht, mospërfillja e një marrëveshjeje kyçe për lirinë e lëvizjes nga ana e Bosnjës dhe Hercegovinës do të thotë se kërkesat për viza ndërmjet Kosovës dhe Bosnjës vazhdojnë.
E mirëpres marrëveshjen e re për profesionet e reja për infermierët, kirurgët veterinare, mamitë dhe farmacistët dhe pres me padurim marrëveshjet e ardhshme që zgjerojnë edhe më tej gamën e profesioneve të përfshira.
Ne përqafojmë ‘Planin me katër hapa’ të rritjes së BE-së për Ballkanin Perëndimor nga Presidenti i Komisionit Evropian. BE-ja mund të reformohet dhe të zgjerohet. Unë gjithashtu besoj se përfitimet e tregut të vetëm të BE-së duhet të lidhen me reformat ekonomike dhe demokratike. Nuk duhet të ketë përfitime të BE-së dhe as fonde të BE-së pa vlerat e BE-së.
Ne e pranojmë hendekun thelbësor të standardeve të jetesës me BE-në, i cili do të kërkojë kohë për t’u mbyllur. Së bashku, ne duhet të vazhdojmë të punojmë drejt rritjes së qëndrueshme për rajonin tonë. Kosova, një demokraci e gjallë, është e përgatitur të përballet me sfida të reja dhe të përqafojë një të ardhme më të ndritshme. Në këtë drejtim, ne jemi të kënaqur që kemi krijuar një Observator të Konvergjencës.
Faleminderit shumë.
