Një atentat me armë i është bërë një shqiptari këtë të martë (24 tetor) në Spanjë, ku ky i fundit ka mbetur i plagosur rëndë.
Sipas raportimeve nga mediat e huaja, mësohet se shqiptari ka mbërritur në spitalin e Tarragonas dhe është trajtuar nga shërbimet mjekësore.
Nuk bëhet e ditur gjendja shëndetësore e tij, ndërsa mësohet se kishte dy plagë me armë zjarri, një në secilën këmbë, dhe një goditje në kokë.
Ende nuk dihet cili është autori dhe shkaqet e plagosjes së shqiptarit, por sipas raportimeve paraprake dyshohet se gjithçka duket se ka lidhje me trafikun e drogës.
Ndërkohë autoritetet kanë nisur hetimet për zbardhjen e ngjarjes dhe identifikimin e autorit.
