Avokati Spartak Ngjela bëri një paralajmërim teksa tha se shumë shpejt do të ketë zhvillime të forta që lidhen me zotimin e SHBA-së për të hequr korrupsionin.
Ngjela deklaroi në një dalje televizive se këto zhvillime kanë të bëjnë me politikën në Shqipëri.
“SHBA është zotuar që do të na heqë korrupsionin në Shqipëri dhe atë po bën. Ai zotim është bërë botërisht dhe e ka thënë Blinkeni. Por pse? Sepse kanë një interes shumë të madh për Shqipërinë, duan ta kenë partner kryesor në Evropë, jo vetëm në Ballkan. Veprimet e tyre janë shumë të qëndrueshme dhe po e vazhdojnë politikën e tyre. Dhe mendoj se shumë shpejt në Shqipëri do të kemi zhvillime të forta sa i përket politikës”, theksoi avokati
