Një ngjarje e cila mund të kishte përfunduar me pasoja fatale ka ndodhur një ditë më parë në Tiranë, kur një shofer ka humbur ndjenjat papritur gjatë drejtimit të mjetit.
Fatmirësisht në rrugë është gjendur qytetari i identifikuar si Lilo Shehu, i cili ka ndërhyrë menjëherë, duke shmangur një aksident të mundshëm dhe gjithashtu ka dhënë ndihmën e parë shoferit.
Ashtu siç shihet edhe në videon e siguruar nga Report Tv, fillimisht makina është përplasur me një automjet tjetër dhe më pas shihet duke nxjerrë tym, ndërsa djali ka reaguar menjëherë, duke vrapuar për të ndihmuar drejtuesin e automjetit.
