Pas prezantimit zyrtarë të kandidatëve të PS nga selia rozë si dhe prezantimit në terren nga drejtuesja politikë Elisa Spiropali si dhe kryeministri e kryetari i PS Edi Rama, ka nisur prezantimi i tyre në çdo asamble të PS lagje më lagje. Më konkretisht në Kamëz deputetja dhe ish-kryeparlamentarja Lindita Nikolla dhe kryetari i Bashkisë Kamëz Rakip Suli kanë prezantuar tre kandidatët për deputetë në Paskuan, Bathore si dhe Kamëz 1 dhe Kamëz 2. Lajmin e bën publik vet znj.Nikolla në rrjetin social Facebook ku në të tre prezantimet shkruan: – “Së bashku me Rakipin prezantuam sot në Asamblenë Socialiste të Paskuqanit kandidaten tonë, përfaqësuese ekselente e rinisë Kejsi Elezin. Vajzë lindur dhe rritur në Babrru, studente e Fakultetit Ekonomik që i bashkohet ekipit fitues socialist të qarkut Tiranë me energjinë e saj dhe vizionin e brezit që përfaqëson për Shqipërinë në BE”. NË një tjetër njoftim deputetja e Kamzës shkruan: – “Në Bathore me Asamblenë Socialiste për të prezantuar bashkë me Rakipin doktor Halil Koloshin, kandidatin tonë të palodhur që prej 30 vitesh shërben çdo ditë për komunitetin e kësaj zone. Të bashkuar e të vendosur në rrugëtimin tonë të pakthyeshëm drejt familjes europiane”.
“Në Lagjen 1 dhe 2 Kamëz me Asamblenë Socialiste për të prezantuar bashkë me Rakipin, Sofika Lleshin mësuesen, piktoren dhe aktivisten e përkushtuar të skuadrës tonë në këtë zonë.
Prindërit dhe fëmijët e njohin pasionin dhe qytetarinë e mësueses rritur mes tyre, ashtu siç shohin nga afër çdo ditë ndryshimin rrënjësor të çerdheve, kopshteve dhe shkollave në Kamëz” – përfundon Lindita Nikolla postimin në njoftimin e tretë.
EMRAT/Prezantohen në Asambletë e Paskuqanit, Bathores dhe Kamzës tre kandidatët për deputetë të PS
