Mesfushori i Kombëtares, Qazim Laçi foli për mediat pas fitores së marrë kundër Andorrës.
“Ishte një ndeshje shumë e rëndësishme, e dinim që në fillim që duhet të shënonim dhe të kishim kontrollin nga fillimi deri në fund, goli i parë hapi lojën. Me 3 gola jemi ok, por mund të kishim shënuar më shumë, edhe pse rëndësi ka fitorja. Ishte pak e vështirë të luanim në mesfushë, unë u mundova të rrija mes linjave për të bërë atë që bëj më mirë, u mundova të krijoj hapësira dhe të jem pikë pasimi, ishte moment që e kërkoja topin dhe hapej loja, por do ta shohim edhe me ekipin në analizën e lojës”, deklaroi Laçi për “Tv Klan”
