Nga Albor Elezi
Të nderuar bashkëqytetarë që mendoni se ka ardhur koha për të bërë ndryshimin e madh për Shqipërinë Euroantlatike , sot si asnjëherë tjetër , Shqipëria ka nevojë për zërin tuaj , ka nevojë për reagimin tuaj , sot Shqipëria ka nevojë për votën tuaj , për verdiktin tuaj .
Unë si një i ri që aspiroj për një Shqipëri euroantlatike , jam sot përpara jush , jam këtu për t’u kërkuar votën tuaj , votën e sovranit , për të qënë zëri juaj i fuqishëm në parlamentin e ardhshëm ku debatohet dhe vulosen ligje që për fatin e keq të popullit , tuajin konkretisht kurrë nuk i kanë shërbyer halleve dhe problemeve tuaja , por kanë qënë ligje në shërbim të të pasurëve .
Unë , si biri i një familjeje të varfër , por i ndërgjegjshëm dhe i bindur se Shqipëria është e të gjithëve e jo e një grushti njerëzish të pasur , u premtoj se do të bëj përpjekjet maksimale që çdo vendim e ligj që do të diskutohet dhe aprovohet në parlamentin e ardhshëm do të synojë e do të jetë vetëm në shërbimin tuaj , në dobi të komunitetit , në rregullimimin e infrastrukturës tërësore të zonës sime elektorale .
Unë vij nga një krahinë e Shqipërisë që quhet Mokër dhe duhet ta dini se , Mokrarët janë të besës e të mbajtjes së saj , janë punëtorë dhe këmbëngulës në atë që thonë .
Nëse ju më besoni e më jepni votën , dijeni se keni gjetur njeriun e duhur , të përshtatshëm që nuk i ndan fjalët nga veprat .
Integrimi i Shqipërisë është prioriteti i partisë sonë dhe ky nuk është thjesht sllogan elektoral , por një premtim dhe realizim plotësisht i mundshëm , sepse kryeministri i ardhshëm do të jetë Lulzim Basha , arkitekti i futjes së Shqipërisë në NATO , hapja e negociadave për në BE , marrëveshja për heqjen e ligjit të luftës me Greqinë , heqja e vizave për në Shegen e këto qenë arritje të përmasave gjigande e këto janë meritat e kryetarit të partisë sonë kur ishte në instancat e larta të ish partisë demokratike .
Këto arritje , këto hapa vigane të një populli të vuajtur ia rritën vlerat Shqipërisë , por fatkeqësisht , sot Shqipërisë i janë fikur të gjitha shpresat për të qënë pjesë e BE , e strukturave të tjera evropiane dhe botërore nga keqqeverisja e kësaj mazhorance tre mandatesh që e ka futur Shqipërinë në një qorrsokak pa krye .
Prandaj të dashur miq , shokë , të njohur e të panjohur , bashkëqytetarë të çdo bindjeje e besimi fetar , me dorë në zemër e me besimin në Zot , u kërkoj votën tuaj , jo sa për një vend në sallën e parlamentit , por për të qënë zëri juaj i fuqishëm , për ta ndryshuar rrënjësisht realitetin e vendit tonë .
Këtë realitet mund dhe do ta realizojë vetëm Partia Euroantlatike me në krye Kryetarin vizionar dhe euroantlatik Lulzim Basha .
Unë Albor Elezi u premtoj me besë Mokrari dhe besë Lezhiani se do t’u gjendem përkrah në çdo hall e problem që do të hasni nëpër institucionet shtetërore si rezultat të burokracive dhe korrupsionit që do të mundohet të ngrejë krye .
Me besimin në fitore dua t’u falnderoj përulësisht të gjithëve , votues dhe kundërshtarë , sepse jemi vëllezër të së njëjtit vend , jemi shqiptarë që duam Shqipërinë Euroantlantike .
Me përulësi kandidati juaj
