Zgjedhjet vendore janë duke u futur në muajin e “nxehtë” zgjedhor dhe mbase është me vend që përpara çdo diskutimi tjetër të flitet për kandidatët.
Partia Socialiste në qytetin e Lezhës prezantohet me katër kanditatët: Aurora (Reçi) Gjeloshi, Klotilda Ndreca, Admir Kadeli dhe Andon Gjoni.
Editoriali i sotëm do ti dedikohet Aurora (Reçi) Gjeloshi (në foto), një figurë e konsoliduar në sektorin privat si drejtuese e disa kompanive të rëndësishme në Tiranë, por që kandidon për herë të parë nën siglën e Partisë Socialiste, ndonëse mbështetëse e kësaj sigle që në fillimet e karrierës së saj.
Aurora i nis hapat e saj në politikë-bërje që në gjimnaz si Kryetare e Qeverisë së Nxënësve e më pas si pjesë aktive e Parlamentit Rinor Shqiptar. Në 2001 ajo ndjek studimet e larta në Fakultetin e Ekonomisë ku diplomohet për Menaxhim Biznes e më pas diplomohet në Master për Administrim Publik.
Gjatë eksperiencës së saj në sektorin privat ajo ka drejtuar një nga kompanitë më të njohura të marketingut në kryeqytet për 8 vite, ku ka zhvilluar projekte të rëndesishme edhe në fushën e studimit të tregut apo digital marketing. Më pas ajo drejton një kompani ndërkombëtare turizmi për 3 vite, me qendër në Viene e me degë në të gjithë Ballkanin.
Në vitin 2022 Aurora kthehet për të jetuar në qytetin saj të lindjes ku njëkohësisht me fillimin e punës si Shefe në Drejtorinë e Taksave dhe Tarifave Vendore në Bashkinë e Lezhës fillon përfshirjen aktive në strukturat e Partisë Socialiste.
Ne Podcastin “Flasim” me Kryeministrin Edi Rama ku ishte dhe dalja e saj e parë publike
(Ndiq Podcastin ketu https://www.youtube.com/watch?v=z70zap1FoY4 ) Aurora me krenari tregon se përfaqëson femrën lezhjane e mbi të gjitha ajo përfaqëson atë pjesë të “trurit të migruar” të qytetit që tani po rikthehet në qytetin e lindjes për të kontribuar për përmirësimin e jetesës aty, dhe për të ndërtuar një të ardhme me të mirë për fëmijët e saj.
Aurora është kombinimi strategjik që drejtuesit politikë të Qarkut Lezhë kanë bërë për Zgjedhjet e këtij viti, është asi nën mëngë i Partisë Socialiste në qytetin e Lezhës duke qënë se ajo jo vetëm është një figurë që gezon respektin e bashkëqytetarëve të saj, por ajo përfaqëson familjet qytetare lezhjane myslimane dhe njëkohësisht është e martuar në një nga familjet më të njohura malësore kaltolike që më herët kanë qënë me bindje të djathta.
