Kelly, në intervistën e parë të realizuar në studio, ka vlerësuar eksperiencën e tij në Big Brother VIP si më të veçantën ndonjëherë, gjatë së cilës mundi të shijonte çdo moment.
I pyetur se çfarë e penalizoi, ish-banori përgjigjet futja shumë vonë në lojë. Sakaq, pyetjes së Arbrit se kush e fiton edicionin e 4-të të BBV, Kelly tha Gjesti.
Pjesë nga intervista:
Kelly: Ka qenë një eksperiencë shumë e bukur, e kam shijuar në çdo moment.
Ledioni: Pse një pjesë e ish-banorëve mendojnë se nuk krijove dinamika të tuat në shtëpi? Nuk pate shtyllë kurrizore po thoshte Valbona pak më herët…
Kelly: Ne hymë në një fazë të lojës që 8 femra ishin në nominim dhe ishte një betejë e tmerrshme. Polet ishin ndarë. Fillimisht u përpoqa të luaja një rol neutral për të parë se si do të vijonte loja, por ishte shumë e vështirë pasi shumica e banorëve e izolonin situatën dhe mundoheshin ta mbanin rreth vetes. Nuk ishte e pamundur, por ishte deri diku e vështirë të ndërhyje në situatat e tyre pasi e kishin izoluar vërtetë bukur. Po ashtu, edhe unë si natyrë jam pak e tërhequr. Mundohem të bëj batutë dhe gallatë, këtu jam i mirë…
Ledioni: A mendon se të ka penalizuar diskutimi që pate të shtunën me Rozanën?
Kelly: Jo, fare. Nuk e mendoj, thjesht është llogjike që një lojtar me më pak ditë aty brenda dhe gjithashtu më pak dinamika, ishte shumë e qartë se kush do të dilte. Ndoshta po të hyja në shtëpi më herët… Në këtë moment të lojës përveç pozitivitetit, gallatës dhe qetësimit të situatave, nuk mund të bëja gjë tjetër. Nuk dua të dalë nga vetja ime, aty tensionet janë të mëdha.
Neda: Më vjen mirë që Kelly është i qartë për rrugëtimin e tij. Pavarësisht faktit se ti tregove natyrën tënde me ngjyra, nuk arrite dot të çaje dhe të tregoje veten se kush ishe. Sidoqoftë ke qenë një kontribut shumë i bukur dhe me vlerë në shtëpi.
Arbri: Në pjesën më të madhe të situatave që ke kaluar në shtëpi ka qenë të përshtatura mirë me karakterin tënd, jo të stimuluara. Dy raste kanë qenë ato që nuk ishin pjesë e karakterit tënd; përdorja e informacionit nga jashtë dhe rasti me Rozanën që mendoj se të ka penalizuar pak.
Është e vërtetë fakti që gara është bërë e fortë, por edhe kohë kishe mjaftueshëm.
Kelly: Po e vërtetë, por nuk mund të përdor agresivitet.
Arbri: Nuk po them për agresivitet sepse Loredana nuk është agresive.
Kelly: Tani Loredana është bërë bishë… Por situata ka qenë më agresive kur u futa dhe unë nuk e kam në karakter të debatoj me tone mbi normalen.
Arbri: Kush e fiton Big Brother?
Kelly: Gjesti.
