Nga Vasil Dardha
Të qeverisurit është si arti, jo të gjithë mund të kenë talent. Jo gjithmonë gjërat që di në teori mund t’i përshtasësh në praktikë, duke mundësuar që idetë të implementohen si duhet dhe të kenë impakt tek njerëzit të cilët të kanë besuar votën. Se si duhet të drejtosh mirë, t’u gjendesh pranë qytetarëve, të kesh durimin të dëgjosh secilin duke q enë njëri prej tyre, pse jo të iu zgjidhësh hallet dhe shqetësimet e tyre, ky është rasti i kryetarit të Bashkisë Kamëz. Po, është e vërtet, Rakip Suli në një mandat e gjysëm që pritet të mbush më 14 maj ka ditur të jetë një administrator i zoti i Bashkisë së pestë më të madhe në vend, e cila ka patur një performancë shumë të mirë duke qenë një ndër bashkitë që ka patur shumë investime, janë realizuar ato në kohë dhe me cilësi duke ndikuar drejtpërdrejtë në përmirësimin e jetesës së qytetarëve.
Së pari, çelësi që e çoi tek suksesi kryebashkiakun e Kamzës ishte fakti se që në ditët e para të marrjes së detyrës Rakip Suli i hapi dyert për qytetarët, iu mundësoi atyre të trokasin pa droje për ta ndjerë veten si në shtëpinë e tyre. I dëgjoi për hallet personale, por dhe diskutoi me ta në bashki apo dëgjesat publike nëpër lagje duke i shtirë dorën çdokujt pa dallim bindjesh e duke u parë sy më sy për të evidentuar nevojat e komunitetit e për të orientuar investimet sipas prioriteteve. E ka bërë këtë gjë më së miri, e sot investimet në rrugë, kanalizime, arsim apo dhe mbështetje për artin dhe kulturën janë të shumta të prekshme në çdo lagje fal bashkëpunimit qytetar-kryebashkiak. Kamza është kthyer në një kantier të vërtet ndërtimi. Punohet kudo dhe investimet në shumë fusha janë krejt të dukshme dhe prekshme për qytetarët. Arsimi ka qenë prioritet absolut për Rakip Sulin. U përball me problemet infrastrukturore që ditët e para sapo u ul në karrigen e kryebashkiakut, ku nevojat ishin nga ato baziket, e iu desh që nga të kuruarit të gjësë, të kalonte në një operacion të madh të përmirësimit të infrastrukturës arsimore. Bilanci sot është tejet pozitiv. Gjurma “Suli” është lënë në sistemin arsimor. Sot që flasim janë mbi 40 objekte arsimore të rikonstruktuara dhe ndërtuar nga e para në territorin e Bashkisë Kamëz si: çerdhe, kopshte, shkolla të cilët janë të standardeve më të mira, jo vetëm për realitetin shqiptar, por dhe atë europian. Janë të ndërtuara me cilësi, por dhe të pajisura me infrastrukturë dhe laboratorët e duhur që i shërbejnë procesit mësimor për 20 mijë nxënësit. Ndërkohë kujtojmë që fal vëmendjes së z.Suli mbi 4500 fëmijëve të familje në nevojë ofrohet ushqim falas në çerdhet dhe kopshtet e Kamzës. Mbështetja e të rinjve ka qenë në fokusin e drejtimit të kryetarit të Bashkisë Kamëz Rakip Suli duke i konsideruar ata si të ardhmen e sigurt të qytetit, ndoshta me moshën më të re në vend. Rakip Suli ka ditur të ketë raporte të mira bashki-qeveri duke patur në foks qytetarin e Kamzës, ka patur projektet e duhura duke bindur kryeministrin për të fituar fonde në funksion të përmirësimit rrënjësisht të infrastrukturës arsimore në Bashkinë Kamëz. Për t’u theksuar dhe vlerësuar është fakti që kryebashkiaku Suli ktheu vëmendjen për të vlerësuar nxënësit me rezultate të shkëlqyera dhe të talentuar. Për herë të parë do të niste mbështetja për 600 nxënësit ekselent nga klasa e gjashtë deri në të nëntë (6-9), me shpërblim prej 270 dollarë dhe nga klasa e dhjetë deri në të dymbëdhjetë (10-12), me shpërblim prej 450 dollarë. Përveç kësaj, Bashkia Kamëz ka mbështetur dhe fëmijët e talentuar në art, kulturë, duke i dhënë mbështetje si individuale nxënësve, ashtu dhe përmes aktiviteteve të ndryshme të realizuara nga Bashkia përgjatë këtyre viteve të drejtimit si kryebashkiak. Një punë kolosale është bërë nga Bashkia Kamëz sa i përket përmirësimit të infrastrukturës rrugore dhe në ujësjellës-kanalizime. Një qytet dhe bashki e re si Kamza ka patur shumë nevojë për investime në këtë fushë, të cilat duhet të ishin krejt të reja dhe realizuar me kujdes, ndaj prioritet i z.Suli ka qenë që çdo para e taksave të qytetarëve të Kamzës që iu kthehej në investime të ishin efiçente dhe në funksion të përmirësimit të jetës në të përditshmen e tyre. E këtu flitet konkretisht! Që në muajt e parë të drejtimit në Bashki Kamza nuk u përmbyt si vite më parë. Pas 30 vitesh rrezik epidemie falë dhe mbështetjes së qeverisë u realizua investimi prej 3.9 km kanalizime në shërbim të të gjithë komunitetit dhe banorëve nga zona 5009 në kufi me (Zall-Herrin) duke vijuar në Bathore 5-4-3-2-1, Zall-Mner, Frutikulturë e deri në Lumin e Tiranës. Fal investimeve përgjatë viteve 2019-2025, sot që flasim mbi 95% e territorit në Kamëz është i mbuluar me rrjet kanalizimesh dhe ujësjellës. Janë mbi 195 km infrastrukturë rrugore ndërtuar lagje më lagje në Kamëz, Bathore, Paskuqan, deri në fillim të këtij viti dhe janë planifikuar nga Bashkia Kamëz për vitin 2025 për tu ndërtuar edhe 90 km të tjera rrugë. Shumë shpejt në asnjë metër katror rrugë lagjie në territorit e Bashkisë Kamëz nuk do të jetë më baltë, sikurse duhet theksuar fakti që një punë shumë e mirë është bërë dhe për ndriçimin e akseve kryesore rrugore dhe në lagje që më parë as ekzistonte dhe qytetarët mbylleshin më shpejt në shtëpi nga pasiguria. Veçmas për t’u theksuar si investime të rëndësishme të Bashkisë Kamëz janë dhe pedonalja prej 1 km në Bathore e përfunduar dhe vënë në funksion të qytetarëve si dhe ajo prej 1.2 km ku ka nisur puna për tu ndërtuar përgjatë këtyre muajve në zonën e Frutikulturës. Bashkia Kamëz në bashkëpunim me qeverinë mundi të përmbyll me sukses procesin e rindërtimit në Kamëz e veçmas në Valias të Vjetër, duke rindërtuar nga e para një zonë, ose qytet me 270 apartamente, shoqëruar me gjithë infrastrukturën e nevojshme si: çerdhe, kopshte, shkolla dhe rehabilitimin e plotë të gjithë zonës me rrugë, kanalizim, ndriçim, pastrim e gjithçka e nevojshme duke e kthyer në një nga zonat e lakmueshme për banim jo vetëm në Bashkinë Kamëz. Pas 30 vitesh, tashmë Kamza ka një qendër urbane me standarde duke i ofruar qytetarëve cilësi jetese dhe komoditet. Në krye të 3 viteve të drejtimit të kryebashkiakut Suli u mundësua transformimi rrënjësor i Qendër Kamzës i njohur si zona e qytetit, pas një sërë investimesh në: ndërtimin e tregut të fruta-perimeve; rikualifikimin urban të bllokut të pallateve; rikualifikimin e hapësirave përreth; ndërtimin e rrugëve, me parametrat më të mira në rrjetin e kanalizimeve, asfaltimin, trotuaret, ndriçimin e të gjitha segmenteve rrugore të zonës. Përfshi dhe Kamzën bashkë me Laknasin Paskuqanin dhe Babrrun numri i pallateve të rehabilituar shkon në 54.
Një investim i një përmase të jashtëzakonshme, me impakt të drejtpërdrejtë tek qytetarët është dhe Parku i Liqenit të Paskuqanit me një pedonale prej 5.1 km, vendparkim në të dy anët e liqenit, me mbi 50 mijë pemë të mbjella fal vullnetarizmit të qytetarëve dhe bizneseve për të bashkëpunuar me Bashkinë duke dhënë kontributin e tyre, për të kthyer këtë zonë në një ambient mjaft frekuentues nga qytetarët. Ndërkohë po tek Parku i Liqenit Paskuqan vazhdon puna për ndërtimit e një Amfiteatri Veror dhe ambienteve të tjera sportive që do të konkretizohen së shpejti. Parku i liqenit të Paskuqanit po frekuentohet gjithnjë e më shumë nga qytetarë të të gjitha moshave. Në një prej postimeve të tij në Facebook kryeministri Edi Rama teksa ndante pamje nga Parku i Paskuqanit ndër të tjera do të shkruante, citojmë: -“Projekti u realizua falë këmbënguljes së kryebashkiakut Rakip Suli. Parku i liqenit të Paskuqanit është kthyer në një model të forcës së transformimit gjelbëruar. Parku mirëpret jo vetëm banorët e bashkisë së Kamzës, por të gjithë ata që duan të shijojnë ajrin e pastër, peizazhin fantastik, zogjtë e shumtë, hapësirën ku fëmijët mund të luajnë”. Fal këmbënguljes së z.Suli sot Kamza ka një stacion të MZSH me një skuadër të motivuar dhe kualifikuar dhe është mundësuar marrja e 3 mjeteve zjarrfikëse ku më parë nuk kishte fare. Ndihma e repartit të zjarrfikës së Kamëz ka qenë e prekshme edhe në qytetet e tjera duke iu ardhur në ndihmë qytetarëve. Me energjinë që e karakterizon, pasionin për t’i ndryshuar gjerat dhe bërë ato sa më mirë në funksion të qytetarëve duhet theksuar fakti që kryebashkiaku Suli ka qenë shumë pranë çdo familje që ka patur nevojë për ndihmën e bashkisë e në jo pak raste ai ka dhënë dhe ndihmë personale. Mbështetje i është dhënë grave të dhunuara në familje, të rinjve që mund të jenë ndeshur në jetë me probleme të ndryshme. Nuk duhet harruar mbështetja ndaj biznesit përmes krijimit të një klime miqësore në raportet bashki -biznes ku të dhënat nga Ministra e Financave e kanë nxjerr Kamzën kampione të rritjes së numrit të bizneseve. Fal mbështetjes së drejtpërdrejtë të kryebashkiakut Suli, Bashkia Kamëz këtë vit realizon për të katërtin vit radhazi Panairin e Librit “Kamza Lexon” e kthyer tashmë në traditë çdo muaj Maj të vitit, e ndërkohë mbështetje kanë gjetur mjaft aktivitete të tjera kulturore-artistike. Sot kemi një qytet më të pastër, kjo dhe fal faktit që tashmë është bashkia që kujdeset për qytetin dhe pas krijimit të ndërmarrjes përkatëse qyteti është shumë më i pastër.
Realizimi i investimeve publike në infrastrukturë në Bashkinë Kamëz vazhdon me të njëjtin ritëm në të gjitha fushat, kur personalisht Rakip Suli shihet çdo ditë në terren për t’u interesuar që punët të mbarojnë në kohë dhe me cilësi. Veçmas për vitin 2025 disa projekte do të jenë me prioritet i kryebashkiakut të Kamzës. Rakip Suli do të kujdeset që Kamza të ketë një qendër të re me 13.000 m3 e pajisur me parkim nëntokësor, gjelbërim dhe godinën e re të Bashkisë si një simbol i qytetit për t’u trashëguar ndër breza. Siç dhe e theksuam më lart Rakip Suli kërkon që Kamza të ketë një tjetër pedonale veç asaj të Bathores ndaj ka nisur puna ndërtimi i një tjetër pedonaleje në Frutikulturë prej 1.2 km. Ndër prioritetet e këtij viti është dhe ndërtimi i një stadiumi të ri për Kamzën në Valias si dhe sistemimi me banesa i 195 familjeve të prekura nga Ndërtimi i Unazës së Madhe të Tiranës. Për sa shihet në terren dhe sa konstatuam më sipër FAKTET flasin se Rakip Suli e ka kthyer Kamzën në Kantier Ndërtimi dhe Bashkinë shtëpinë e dytë për qytetarët.
