Drejtuesi politik i Koalicionit Euroatlantik, Lulzim Basha, shprehet se qytetarët më 11 maj ose janë me fëmijët dhe prindërit e tyre, ose janë me Edi Ramën, sepse të dyja bashkë nuk shkojnë. Gjatë prezantimit të kandidatëve për deputetë, Diana Toma, Shemsi Prençi, Eduard Kelmendi, Marçel Hila dhe Irsida Shehi para strukturave të degëve 7 dhe 10 në Tiranë, Basha tha se e vërteta është që lekët ose do shkojnë për ekonominë, taksat dhe investime, ose do shkojnë tek shokët e Ramës.
Sipas tij, kjo është e vërtetët aq sa dhe fakti që Trekëndëshi i Bermudës janë bashkë, pavarësisht lojës që bëjnë me njeri-tjetrin, sepse i bashkon frika nga drejtësia. Basha tha se kjo është dhe arsyeja pse i përvishen SPAK-ut me radhë, sepse ua ka çuar shokët tek 7×7 = 313 dhe ua ka veshur me këmishën vija vija.
Ai më tej thotë se trekëndëshi koncepton edhe 11 majin si ditën e ndërtimin të 11-eve personale për të mbrojtur veten e tyre, bashkëpunëtorët e tyre, aferat e tyre korruptive nga drejtësia.
Pjesë nga fjala e Bashës:
O je me fëmijët e tu, o je me Edi Ramën. O je me prindërit e tu, o je me Edi Ramën. Të dyja bashkë nuk rrinë. O lekët për ekonominë shqiptare me ulje taksash, me investime që ndihmojnë ekonominë, hapin vende pune, që përthithin investime të huaja dhe rigjenerojnë investimet e brendshme sipas prioriteve etë zhvillimit në një vend të bekuar nga Zoti por të mallkuar nga qeverisja. O paratë tek qytetarët, ose paratë tek shokët e Ramës.
Kjo është e vërteta, sikundër e vërteta tjetër është që janë bashkë. Pavarësisht prej lojës që bëjnë me njeri-tjetrin, Edi Rama dhe pjesa tjetër e Trekëndëshit të Bermudës janë bashkë. Çfarë i bashkon? E para dhe kryesorja frika nga drejtësia, frika nga llogaridhënia, frika nga transparenca. Prandaj i përvishen një herë njëri, një herë tjetri SPAK-ut. Sepse nuk heziton në akuza penale, para përgjegjësië dhe prapa hekurave politikanë të fuqishëm që deri dje i hakërreheshin gjyqësorit, medias dhe që shkelnin mbi dinjitetin e qytetarëve, mbi pronat e tyre si të ishin insekt. Sot, janë tek 7×7 – 313 duke veshur gjithësecili prej tyre këmishën e preferuar të shefit të tyre, këmishën vija vija. Sepse sipas hierarkisë që vet Edi Rama ka shpallur, “kush nuk vjedh, fle gjum,. Sa më shumë vjedh aq më shumë rritesh në përgjegjësi”. Kjo ishte Shqipëria derisa SPAK-u filloi të bënte punën e vet. Dhe prandaj janë bërë bashkë, kjo i bashkon.
Në 11 maj, tabiatet e tyre tregojnë se ku e kanë shqetësimin. E mbani mend Edi Ramën se si thoshte do jem në listë të hapur. Pse shkoi e u fut te lista e mbyllur, njësoj si të tjerët në opozitë? Sepse të dy e konceptojnë 11 majin si ditën e ndërtimin të 11-eve personale për të mbrojtur veten e tyre, bashkëpunëtorët e tyre, aferat e tyre korruptive nga drejtësia.
“Koalicioni Euroatlantik në mbështetje totale për SPAK”, Basha: Kandidatët tanë s’tremben nga sirena e policisë, as u duket “O Rame, o Rame” si sirenë sepse janë njerëz të ndershëm
Drejtuesi politik i Koalicionit euroatlantik, Lulzim Basha, prezantoi sot kandidatët për deputetë Diana Toma, Shemsi Prençi, Eduard Kelmendi, Marçel Hila dhe Irsida Shehi para strukturave të degëve 7 dhe 10 në Tiranë.
Në fjalën e tij Basha foli për angazhimet e Koalicionit Euroatlantik sa i përketë antikorrupsionit. Sipas tij, vettingu i politikanëve, heqja e imunitetit të parlamentarëve dhe projektvendimi për mbështetje të SPAK, të cilët kanë një vit e gjysmë në syrtaret e parlamentit dhe nuk sillen për diskutim nga ata që liruan të korruptuarit e dënuar nga GJKKO, do të janë mbështetje reale për institucionet e drejtësië.
Ai më tej tha se themelimi i Njësisë së Rikuperimit të Pasurive të Vjedhura është një praktik e suksesshme për vendet që kanë pasur këto nivele korrupsioni, do të gjurmojë dhe do të rikthejë tek qytetarët pasuritë e vjedhura nga politikanët e korruptuar.
Basha gjithashtu tha se Koalicioni Euroatlantikë vjen me kandidatë të pastër, rrinë me kokën lartë, janë njerëz të lirë, të pakorruptuar, e si të tillë janë të pashantazhueshëm. Ndërsa nuk kurseu as ironinë, duke thënë se zëri i tij “O Rame, o Rame” nuk u vjen si sirenë policie.
Pjesë nga fjala e Bashës:
Dy veçoritë që e ndajnë të bardhën nga e zeza me thikë. Ne jemi sot këtu, sepse prej ditës së parë e kemi nisur këtë rrugëtim me disa parime dhe bindje që u kemi qëndruar qëndrojmë dhe sot. E para, që llogaridhënia para drejtësisë nuk mund të shndërrojë skënd dhe asnjë forcë politike në një bunker për interesa personale. Që kush ka hesape të hapura me drejtësinë, duhet të përballet me drejtësinë.
Ne kemi qenë me vepra në mbështetje të luftës kundër korrupsionit. Ne kemi dërguar në Parlament ligjin për vettingun e politikanëve. Këta së bashku nuk e fusin as në rendin e ditës. Pse nuk e fusin në rendin e ditës në këtë palo parlament që në fund të fundit siç e pamë këta kontrollojnë shumicën dhe liruan të korruptuarit e Ramës bashkërisht. Nuk e sjellin ligjin për vettingun e politikanëve që e kam depozituar që nga nëntori i vitit 2023 në Kuvendin e Shqipërisë, sepse ka dy rrugë, ose ta miratojnë dhe pastaj vajmedet për ta, ose siç thotë Unikkatili “o ku ku për ty”, ose ta hedhin poshtë.
Kjo është një nga shtyllat në luftën kundër korrupsionit. Ne do t’i japim SPAK-ut mbështetjen totale, do ta nxjerrim nga arkivat e Kuvendit dhe do ta miratojmë projektpaketën për mbështetje financiare, për burime njerëzore dhe për infrastrukturë legjislative për SPAK-un në mënyrë që jo vetëm mos ta ngadalsojmë, por të dyfishojë rritmin e arrestimit për të korruptuarit.
Heqja e imunitetit të parlamentarëve, edhe kjo ka një vit e gjysmë që pret në syrtar, edhe këtë nuk e nxjerrin ta diskutojmë. Dhe së katërti, themelimi i Njësisë së Rikuperimit të Pasurive të Vjedhura. Një praktikë e suksesshme për vendet që kanë pasur këto nivele korrupsioni dhe me praktikat më të avancuara të hetimit, dhe me mbështetjen Euroatlantike do të gjurmojmë kudo që i kanë çuar pasuritë e tyre në Shqipëri dhe jashtë Shqipërie sepse nuk janë pasuritë e tyre, janë pasuritë e shqiptarëve dhe do t’ju kthehen shqiptarëve.
Kjo është kryesorja që na ndan. Shikoni kandidatët tanë, në radhë të parë e mbi të gjitha njerëz të lirë, se mbajnë kokën pas, nuk tremben sa herë bie sirena e policisë, as u duket zëri im “O Rame, o Rame” si sirenë e policie. Sepse rrinë me kokën lartë, janë njerëz të lirë, janë njerëz të pakorruptuar, e si të tillë janë të pashantazhueshëm.
