“I dërgova mëngjesin në shtrat kur ai mesazh erdhi në telefonin e saj. Dhe ajo më tha se po njihej dikë tjetër, e humba mendjen. Në tabaka ishte edhe thika për të prerë bukën, e mora dhe e vrava. Ajo vdiq menjëherë, nuk u mbrojt.”
Kështu ka deklaruar Mark Samson gjatë seancës gjyqësore, i cili ka rrëfyer se si vrau 22-vjeçaren Ilaria Sula, si edhe arsyen e krimit të tij makabër.
Mbrëmjen e 25 marsit, studentja shqiptare shkoi në via Homs, në lagjen afrikane të Romës, ku Mark jetonte me nënën dhe babanë e tij në një apartament 50 metra katrorë, për t’i kthyer disa rroba që i kishin mbetur.
Ajo kishte qëndruar vonë dhe kështu vendosi të kalonte natën në shtëpinë e tij për të mos marrë transportin publik. Mark do ta vriste të nesërmen në mëngjes, të paktën sipas versionit të dhënë nga 23-vjeçari.
Mark rrëfeu se vrasja ka ndodhur për shkak të xhelozisë dhe se e ka pastruar gjithçka vetë. Një rikonstruksion, i cili megjithatë nuk i ka bindur hetuesit, ndërsa autori i vrasjes makabër nuk ka pranuar që t’u përgjigjet pyetjeve për praninë e prindërve të tij në shtëpi dhe rolin e tyre të mundshëm.
“Pasi e vrava, dola dhe shkova të blej detergjentë dhe disa lecka. Më pas e mbështjella trupin me celofan dhe e vendosa në dy qese të mëdha mbeturinash, njërën nga ana e kokës, tjetrën nga ana e këmbëve. E mbështolla, mora valixhen dhe e futa brenda. Kështu që vendosa valixhen jashtë derës së dhomës sime dhe fillova të pastroj njollat e gjakut. Në fund mbështolla gjithçka që kisha përdorur në një qilim, madje edhe thikën, dhe i hodha. Unë i bëra të gjitha vetë.”
Pasi pastroi gjithçka, Mark pretendon se e kishte vendosur valixhen në makinë dhe u nis drejt rrugës për në Capranica, ku hodhi valixhen me trupin nga një shkëmb.
Marrja në pyetje u bë një ditë pas autopsisë, e cila zbuloi se Ilaria u vra nga tre goditje me thikë në qafë. Megjithatë versioni i tij nuk ka qenë shumë bindës. Për këtë arsye zëvendësprokurori Giuseppe Cascini dhe prokurorja Maria Perna kanë urdhëruar kontrolle të reja.
Nyja e parë që duhet zgjidhur ka të bëjë me kohën e vdekjes. Autopsia zbuloi se Ilaria e kishte stomakun bosh, detaj që tregon se vrasja ka ndodhur gjatë mbrëmjes, edhe pikëpyetja tjetër është se Ilaria pasi kishte vendosur t’i jepte fund lidhjes, nuk ka gjasa që të ketë zgjedhur të qëndronte dhe të flinte me ish-in e saj.
Jo vetëm kaq, fakti që në makinë nuk u gjetën gjurmë gjaku, lë të kuptohet se gjaku ishte tharë.
Vrasje me paramendim?
Duhet vlerësuar gjithashtu se krimi mund të ketë ndodhur me paramendim. Marku mohoi të kishte planifikuar vrasjen, por qartësia me të cilën ai menaxhoi fazat pas krimit, nga pastrimi deri te vendimi për të hequr qafe trupin, tregon se vrasja e Ilarisë mund të jetë planifikuar.
Aq më tepër që në ditët në vijim, ndërkohë që të gjithë e kërkonin, ai vazhdoi të përdorte celularin e ish-it për t’i dërguar mesazhe qetësuese të atit dhe madje për të përditësuar statusin në profilin e vajzës në Instagram, për të devijuar dyshimet për vdekjen e saj.
Për të hequr qafe telefonin (i cili ende nuk është gjetur) duke e hedhur në një pusetë. Ndërkohë po hetohet roli i prindërve për pastrimin dhe fshehjen e trupit.
