Një autobus i linjës Sarandë-Tiranë është përfshirë nga flakët paraditen e sotme në dalje të tunelit të Kardhiqit.
Në momentin kur autobusi është përfshirë nga flakët, ka qenë në lëvizje duke transportuar pasagjerët e linjës Sarandë-Tiranë.
Ndonëse udhëtarët i ka kapur paniku, fatmirësisht të gjithë kanë dalë me shpejtësi, teksa deri më tani nuk raportohet për persona të lënduar.
Flakët kanë përpirë totalisht autobusin, teksa një shtëllungë e madhe e tymit ka mbuluar zonën.
Ndërkaq, sipas policisë shkak i flakëve dyshohet se është bërë një një defekt në motor, ndërsa brenda janë djegur edhe sende personale të pasagjerëve.
Delvinë/Informacion paraprak:
Sot, rreth orës 11:40, pranë tunelit të Skërficës, dyshohet se, si pasojë e një defekti në motor, ka marrë flakë në ecje një autobus me udhëtarë, i linjës Sarandë-Tiranë, me drejtues shtetasin G. A.
Si pasojë, janë shkaktuar vetëm dëme materiale dhe nuk ka persona të dëmtuar.
Grupi hetimor ndodhet në vendngjarje dhe po punon për zbardhjen e plotë të rrethanave të rastit.
