Mesfushori i njohur francez Dimitri Paje, është në telashe të mëdha. Ish-futbollisti i Francës, i cili aktualisht është pjesë e Vasko Da Gama në Brazil, do të duhet t’i përgjigjet policisë pas akuzave që ka ngritur e dashura e tij sekrete, Larisa Ferrari.
Kjo e fundit zbuloi se kishte pasur një histori të gjatë me Paje, pasi ky i fundit ishte ndjerë i vetëm në Brazil, meqë gruaja e tij dhe fëmijët ishin në Francë. Por policia braziliane ka bërë të ditur se ka hapur gjithashtu një hetim për futbollistin, pasi e dashura e tij sekrete e akuzon edhe për dhunë seksuale, fizike e psikologjike.
“Unë jam sulmuar nga Dimitri Paje dhe kjo ka lënë shenja në turpin tim. Unë kam vuajtur dhunë fizike, psikologjike, morale dhe seksuale. Ne kishim zënkën e parë në dhjetor dhe ai filloi të thoshte që do të më dënonte.
Ai më kërkoi që t’i vërtetoja dashurinë për të në mënyra poshtëruese, duke pirë urinën time, duke lëpirë dyshemenë apo duke pirë ujë nga tualeti.
Ai më ka filmuar duke i bërë këto gjëra. Ai më shtynte, ka ecur mbi mua dhe më ka bërë kërcënime të ndryshme. Unë dua që drejtësia të veprojë. Ai ka abuzuar dobësinë time për të përfituar seksualisht nga unë. Unë jam një avokate dhe nuk do të bëja kurrë kaq lehtë akuza të tilla kaq serioze”, tha ajo për Paje.
