Për herë të parë në historinë e Big Brother VIP, dy konkurrentë për çmimin e madh kanë bashkuar forcat për të fikur dritat e shtëpisë më të famshme në Shqipëri.
Rozana dhe Gjesti, të dy pretendentë për fitoren kanë ulur levën për fikjen e dritave dhe sinjalizuar kështu fundin e një rrugëtimi plotë sfida, debate të forta dhe emocione. Një eksperiencë, të cilën kanë për ta mbajtur mend gjatë.
“Kurrë në jetë s’kam për ta harruar këtë eksperiencë, shumë faleminderit”- tha Gjesti pak para fikjes së dritave.
“E dua këtë shtëpi saç kam dashur 45 vitet e mija sepse i kam jetuar brenda 120 ditëve. Faleminderit publikut”- tha Rozana.
Me këtë mesazh është mbyllur televotimi për fituesin e sezonit të 4-të të BBV, ndërsa Rozana ka ftuar Gjestin që të dy të tërheqin levën: “Shkojmë Gjesti, të dy bashkë.”
