Një sherr ka ndodhur midis disa personave në zyrën elektorale të PSD në rrugën “Ali Demi” në Tiranë. Ngjarja ka ndodhur rreth orës 14:00, ndërsa personat e përfshirë në sherr janë larguar në vendi i ngjarjes.
Policia ka marrë një telefonatë për sherrin dhe njofton se ka shkuar menjëherë në vendin e ngjarjes, ku ka konstatuar edhe 2 fishekë në vendin e ngjarjes.
Njoftimi:
Rreth orës 14:00, në sallën operative të DVP Tiranë ka ardhur një telefonatë se në rrugën “Ali Demi” kishte një konflikt midis disa shtetasish, në ambientet e një zyre elektorale.
Gjatë këqyrjes së vendit të ngjarjes, është konstatuar i dëmtuar dyshohet me sende të forta xhami i zyrës së subjektit elektoral.
Po nga këqyrja e vendit të ngjarjes, janë konstatuar dy fishekë luftarak.
Menjëherë në vendin e ngjarjes, kanë shkuar forca të shumta policie dhe grupi hetimor.
Vijon puna për identifikimin dhe kapjen e shtetasve të përfshirë në konflikt, të cilët janë larguar nga vendi i ngjarjes me një automjet.
Në drejtimin e Prokurorisë vijon puna për zbardhjen e motivit të konfliktit dhe dokumentimin e rrethanave të rastit.
