Frutat e thata janë një ushqim i shëndetshëm që po fiton gjithnjë e më shumë terren për shkak të ritmit të shpejtë të jetës. Çfarë është më e lehtë sesa të hash disa fruta të thata kur ndihesh i uritur? Por disa besojnë se konsumimi i tyre mund të shtojë në peshë dhe se ato nuk ofrojnë lëndët ushqyese të duhura. Le ta shohim të gjithë të vërtetën rreth frutave të thata më poshtë.
Frutat e thata janë fruta të cilave u është hequr pothuajse i gjithë uji përmes metodave të tharjes. Gjatë këtij procesi, fruti tkurret, duke ruajtur dendësinë e energjisë. Rrushi i thatë është ndër frutat e thata më të zakonshme, e ndjekur nga kumbullat e thata dhe kajsitë. Ekzistojnë disa lloje që përmbajnë sheqer dhe këto zakonisht janë mango, ananas dhe banane.
Një nga avantazhet e frutave të thata është se ato mund të ruhen për një periudhë shumë më të gjatë kohore krahasuar me ato të freskëta. Ato janë gjithashtu një snack shumë i dobishëm, veçanërisht kur doni të hani diçka gjatë udhëtimeve tuaja, pasi nuk kërkojnë frigorifer.
