Tifozët e Chelseat dhe Real Betisit janë përleshur me policinë në Wroclaw përpara finales së Ligës së Konferencës, që do të zhvillohet të mërkurën.
Pamjet e përleshjeve janë shpërndarë në rrjetet sociale, ndërsa raportohet se është përdorur edhe gaz lotsjellës.
Video të publikuara në rrjetet sociale tregojnë tifozë të të dyja skuadrave duke u përpjekur me dëshpërim të mbrohen nga policia, duke hedhur karrige dhe objekte të tjera në drejtim të tyre. Pamjet e pakëndshme thuhet se ndodhën pas një sërë përplasjesh të vogla mes tifozëve në sheshin Solny, sipas mediave në Poloni. Të pajisur me shkopinj gome dhe mburoja, besohet se policia krijoi një barrikadë për të ndarë tifozët në anën veriore të sheshit kryesor.
