Triumfi në Ligën e Kampioneve i dha menjëherë jetë Parisit që kishte pritur me padurim kupën më të lakmuar për vite me radhë. Por tani që PSG-ja është ngjitur në majë të Europës, festimet në rrugët e kryeqytetit janë shndërruar shpejt në luftë guerile.Mbi 130 persona janë arrestuar, disa dyqane janë plaçkitur dhe shumë makina janë djegur. Lajmi më i keq erdhi nga Champs-Elysées, ku filluan trazirat pas golit të parë të PSG-së: së pari një dyqan këpucësh u vu në shënjestër të sulmuesve që hodhën raketa dhe sende drejt qepenave, të njëjtin fat pësoi edhe një dyqan tjetër, që i përkiste një rrjeti të njohur mobiljesh. Një makinë u dogj, policia u përpoq të përmbante trazirat duke përdorur gaz lotsjellës.
Por nuk mbaron me kaq, sepse autoritetet lokale kanë raportuar se një vajzë është plagosur në Place de la Bastille pasi ka rënë mbi barrierat e vendosura rreth kolonës. Në qendër të Pau, kryeqytetit të Pirenejve, rreth pesëdhjetë huliganë thyen xhamin e pasmë të një autobusi dhe më pas dritaren e një dyqani rrobash. Një lajm edhe më shqetësues vjen nga Grenoble: atje, në jug të Francës, ku një makinë u përplas me një turmë brohoritëse dhe vrau katër këmbësorë, sipas Le Parisien.
Sipas të njëjtës gazetë, burri nuk veproi vullnetarisht, ai humbi kontrollin e makinës dhe pastaj, në një përpjekje për t’i shpëtuar pjesës tjetër të turmës ai iu dorëzua policisë. Bruno Retailleau, Ministri i Brendshëm Francez, i quajti “barbarë” autorët e këtyre formave të luftës guerile që ndotin festimin e “tifozëve të vërtetë të PSG-së që po entuziazmohen nga ndeshja madhështore e ekipit të tyre”. (VIDEO)
Naser al-Khelaifi dhe Dembele i dërguan një mesazh pas ndeshjes për të qetësuar gjërat: “Ju lutem, na duhet qetësi, pa incidente, duam siguri dhe të festojmë së bashku me të dashurit tanë, kjo është gjëja më e rëndësishme. Festoni pa shkatërruar gjithçka”, tha numri një i PSG-së për Canal +.
