Ndërroi jetë 25-vjeçari Erdal Tumba, i cili ishte plagosur rëndë në një aksident më 18 maj, në fshatin Pousko.
Pas gati tre javësh në gjendje kritike, ai nuk arriti t’i mbijetojë plagëve të marra.
Në aksident automobilistik ndodhur në aksin rrugor “Pouskë-Opojë” mbeti e vdekur Dilge Nanovçe, 19 vjeçe (qyetetare turke me banim në Kosovë).
Ajo ishte duke udhëtuar me një automjet të tipit “Opel Astra” dhe po e ngiste automjetin pa leje drejtimi dhe pa përvojë.
Automjeti ra në një terren të thepisur prej disa metrash ku dy pasagjerët që gjendeshin në automjet ishin Fati Gashi dhe Erdall Tumba.
Dilge Nanovçe
Tumba u dërgua menjëherë në Spitalin Publik të Prishtinës, ku mori trajtim mjekësor deri në momentin kur ndërroi jetë.
Lajmin për vdekjen e tij e ka bërë të ditur vëllai i tij, Edber Tumba, përmes një postimi prekës në rrjetet sociale, duke shkruar: “E di që je në parajsë, vëllai im i bukur… Thuhet se Allahu i merr herët robërit e tij të preferuar”.
